مشهد لاتوبيس نقل عام مزدحم
هى ، تصعد و تجول ببصرها بين المقاعد .. ثم باستسلام تختار بقعة لتقف فيها .. تجمع اكياس المشتروات الثقيلة التى تحملها فى احدى قبضتيها و ترفع الأخرى لتتمسك بالمقبض المتدلى من سقف الحافلة .. تحرص ان تضم حقيبتها تحت ابطها بإحكام خوفاً من النشالين .. و تستميت ان تقف ثابتة قدر الأمكان ، محاذرة ان ترتطم بالرجل الواقف الى جوارها او تحتك بالشاب الجالس امامها او بالأخر خلفها ..
وتتنهد من فرط الإرهاق ..
وفى الخلف قليلاً يجلس رجلان متجاوران .. ينظر احدهما اليها و بعض بوادر التعاطف تبدأ فى الأرتسام على وجهه ويهم بالوقوف .. يراقبه الجالس بجواره فيقول :
- ماهم لو يقعدوا فى بيوتهم كانوا ارتاحوا و ريحونا ..
- محدش عارف ظروف الناس يا حاج ..
- يا بنى ظروف ايه بس .. ماهم لو يقعدوا فى بيوتهم ما تبقاش فيه ظروف .. الرجالة تشتغل بدل ماهم مش لاقيين وظايف .. والمواصلات الزحمة دى تفضى ... اهم بيزاحمونا فى كل حاجة و يرجعوا يشتكوا .. خليهم بقى يدعوا لقاسم امين اللى ربنا يجحمه مطرح ما راح..
- ماهو برضه ممكن يكون ..
- مش ممكن ولا حاجة .. خليك يا بنى قاعد و استهدى بالله .. هما اللى عملوا راسهم براس الرجالة .. يشربوا بقى ... واللى عايز الكحل يتكحل ....!!!
اطفاء
.
.
تنوير
مشهد داخلى لمنزل
هى تفتح الباب تلقى بأكياسها الثقيلة على اقرب مقعد وترتمى بجوارها تلهث ....
هو- الزوج - يخرج من غرفة النوم .. يغلق ازرار جاكت البيجاما و يتثائب ....
- انا تعبانة بشكل .. النهاردة كان يوم فظيع .. ما تتصورش.. كان عندى ضغط عملاء من ....
- بعدين يا ماما بعدين .. الغدا بسرعة و حياتك انا راجع تعبان و ميت من الجوع ...
- حاضر ..
.
.
.
بعد الغداء
هى ترفع الأطباق عن المائدة .. وتترنح ....
هو يخرج من الحمام .. يجفف يديه بمنشفة يلقيها بإهمال جانباً ثم يستلقى على الأريكة امام التليفزيون
و يتناول الريموت ....
- الشاى بقى يا ماما ..
هى تتأمله وهو يتابع الشاشة بشغف .. و تلتمع دمعة فى عينيها ..
اطفاء
.
.
تنوير
مشهد لنفس المنزل و تبدو سماء الليل من خلف النوافذ المغلقة ...
هى تلقى بجسدها المتعب الى جواره امام التليفزيون الذى يشاهده من اربع ساعات ، بعد ان انتهت من التنظيف و الطهو لغداء الغد و نشر الغسيل و اطعام طفلتها التى عادت من المدرسة و ساعدتها فى الاستذكار ...
هو يلقى عليها نظرة جانبية ، ثم يعود ببصره لمتابعة الفيديو كليب :
- شايفة الستات يا مدام ؟ .... جتنا نيلة فى حظنا الهباب ... !!!
- ...................#@&*@@#*!!!!
زووم اوت ثم اطفاء
.
.
تنوير و منظر خارجى لنفس البناية السكنية من الخارج ....
زووم إن على شقة اخرى
ليلى الأم تتحدث الى ابنها الشاب :
- ها .... و روحت النهاردة دفعت فاتورة التليفون زى ما قلت لك؟
يتململ ..
- لأ ... رحت لقيت الدنيا طوابير و خنقة ... بعدين بقى يا ماما لما الزحمة دى تخف...
- يا ابنى يا حبيبى ده انا قلت لك النهاردة اخر يوم ..
كده حندفع غرامة .. ما انا كل مرة باقف فى الطوابير و ادفعها ..
بس اديك عارف ضهرى تاعبنى قد ايه اليومين دول ...
- معلش بقى .. انتى عارفة انى بتضايق من الطوابير ....
اقوللك .. ابقى ابعتى البواب يدفعها و اديله عشرة عشرين جنيه و نريح دماغنا ....
- كمان عشرين جنيه للبواب .. و خمسين للغرامة .. يابنى هى الفلوس بنلاقيها على الشجر ؟
- .............................................. !!
زووم اوت
البناية من الخارج
زوووم ان على شقة اخرى ....
المشهد : ليلى ، فتاة فى منتصف العشرينات و ابيها
- يا بابا ما انا قعدت و اتكلمت معاه اكتر من مرة .. مفيش اى توافق .. و لا حتى مجرد القبول بتاع ربنا .. اتجوزه ازاى؟
- امال سعادتك عاوزة ايه؟ تروحى تحبى عيل خايب من بتوع اليومين دول و تيجى تقوليلى اخطبهولك؟؟
- لأ .. بس باقول ان لما يتقدم لى حد حضرتك موافق عليه يبقى برضه لسه من حقى ارفض لو مفيش توافق ...
- كسر حقك !!!!! ........ انا اللى اقول تتجوزى مين و ما تتجوزيش مين ..... اقول كويس يبقى كويس .. وللا انتى حتعرفى فى الناس اكتر منى ؟؟؟؟
زووم اوت
البناية من الخارج
زوووم ان على شقة اخرى ....
زوجة تصيح فى غضب:
- نعم ؟؟؟؟ اللى هو ازاى يعنى؟
اشتريت حاجة لنفسى من مرتبى .. مرتتتتتتبى ... مفروض " استأذنك " الأول ازاى يعنى؟؟؟؟؟؟؟
- هو كده ... مرتبك ده من مصروف البيت ... مش الوقت اللى بتقضيه فى الشغل ده كان مفروض تقضيه فى شغل البيت؟
- ده على اساس انى باشتغل بمزاجى؟ .... وانا لو قعدت فى البيت حندفع الأيجار والأقساط ازاى من مرتبك لوحده ؟؟؟
- ............................!
- هو مش مفروض ان مرتبى ده يبقى فلوسى الخاصة ؟ ... شرعاً يعنى؟ ... وانى لما اساعدك ده يبقى بمزاجى مش بالأجبار ؟؟؟؟؟؟؟؟؟
- ..................................................!
زووم اوت
البناية من الخارج
زوووم ان على شقة اخرى ....
المشهد لزوج يستعد للخروج و زوجة جالسة امام التلفزيون ..
- انا خارج ..
- طيب يا حبيبى ... حتتأخر؟
- ايوه ... حاقابل الشباب و غالباً حنسهر .....
- طيب اروح انا اقعد شوية مع صاحبتى ؟ .. مفيش ورايا حاجة و زهقت من القعدة طول النهار .... واهى فى الشارع اللى ورانا مش بعيد .. و مش حتأخر ...
- ولزومه ايه التنطيط ده؟ ... خليكى فى البيت احسن ....
- طيب أكلمها تيجى تقعد معايا شوية؟
- بصى انا الست دى من الأخر مش باستريحلها .....
- ليه بس ؟ عيبها ايه؟
- مفيش .. مش مرتاحلها و خلاص ... بصى ... موضوع صحابك ده كان قبل الجواز .. انا عايزك تقطعى علاقتك بالناس دى ...
- ليه بقى؟ كلهم بنات ناس و محترمين .. لو شفت منهم حاجة غلط قوللى ...
- ما توجعيش دماغى بقى ... اسمعى الكلام وخلاص ... وللا مش عارفة ان طاعة الزوج من طاعة ربنا؟
- اشمعنى انت بتخرج مع صحابك كل يوم و تسيبنى لوحدى ؟؟؟؟؟
- انا راااااااااجل ... عايزة تحبسينى جنبك فى البيت اقشرلك بطاطس وللا ايه؟
- .............................................................!!!!
زووم اوت
البناية من الخارج
زوووم ان على شقة اخرى ....
مراهق فى الثالثة عشر يجذب شقيقته ذات العشرين ربيعاً من ذراعها صائحاً :
- قلت مش حتنزلى يعنى مش حتنزلى ...
- وانت مالك انت ؟ انا استأذنت من ماما امبارح و اتفقت مع صاحباتى خلاص....
- وانا بقى باقولك مفيش خروج.......
الفتاة تصيح فى يأس :
- يا ماااااااماااااااااااا .... قولى للواد ده يخليه فى الأعدادية بتاعته و مالوش دعوة بيا ..
تأتى الأم مهرولة من الداخل على اصوات صياحهما و تقول مستنكرة :
- عيب كده ... اسمعى كلام اخوكى ... هو الراجل !
اطفاء
.
.
ظلام تام .............
_______________________________________
تنوير .......
- معلش بقى .. انتى عارفة انى بتضايق من الطوابير ....
اقوللك .. ابقى ابعتى البواب يدفعها و اديله عشرة عشرين جنيه و نريح دماغنا ....
- كمان عشرين جنيه للبواب .. و خمسين للغرامة .. يابنى هى الفلوس بنلاقيها على الشجر ؟
- .............................................. !!
زووم اوت
البناية من الخارج
زوووم ان على شقة اخرى ....
المشهد : ليلى ، فتاة فى منتصف العشرينات و ابيها
- يا بابا ما انا قعدت و اتكلمت معاه اكتر من مرة .. مفيش اى توافق .. و لا حتى مجرد القبول بتاع ربنا .. اتجوزه ازاى؟
- امال سعادتك عاوزة ايه؟ تروحى تحبى عيل خايب من بتوع اليومين دول و تيجى تقوليلى اخطبهولك؟؟
- لأ .. بس باقول ان لما يتقدم لى حد حضرتك موافق عليه يبقى برضه لسه من حقى ارفض لو مفيش توافق ...
- كسر حقك !!!!! ........ انا اللى اقول تتجوزى مين و ما تتجوزيش مين ..... اقول كويس يبقى كويس .. وللا انتى حتعرفى فى الناس اكتر منى ؟؟؟؟
زووم اوت
البناية من الخارج
زوووم ان على شقة اخرى ....
زوجة تصيح فى غضب:
- نعم ؟؟؟؟ اللى هو ازاى يعنى؟
اشتريت حاجة لنفسى من مرتبى .. مرتتتتتتبى ... مفروض " استأذنك " الأول ازاى يعنى؟؟؟؟؟؟؟
- هو كده ... مرتبك ده من مصروف البيت ... مش الوقت اللى بتقضيه فى الشغل ده كان مفروض تقضيه فى شغل البيت؟
- ده على اساس انى باشتغل بمزاجى؟ .... وانا لو قعدت فى البيت حندفع الأيجار والأقساط ازاى من مرتبك لوحده ؟؟؟
- ............................!
- هو مش مفروض ان مرتبى ده يبقى فلوسى الخاصة ؟ ... شرعاً يعنى؟ ... وانى لما اساعدك ده يبقى بمزاجى مش بالأجبار ؟؟؟؟؟؟؟؟؟
- ..................................................!
زووم اوت
البناية من الخارج
زوووم ان على شقة اخرى ....
المشهد لزوج يستعد للخروج و زوجة جالسة امام التلفزيون ..
- انا خارج ..
- طيب يا حبيبى ... حتتأخر؟
- ايوه ... حاقابل الشباب و غالباً حنسهر .....
- طيب اروح انا اقعد شوية مع صاحبتى ؟ .. مفيش ورايا حاجة و زهقت من القعدة طول النهار .... واهى فى الشارع اللى ورانا مش بعيد .. و مش حتأخر ...
- ولزومه ايه التنطيط ده؟ ... خليكى فى البيت احسن ....
- طيب أكلمها تيجى تقعد معايا شوية؟
- بصى انا الست دى من الأخر مش باستريحلها .....
- ليه بس ؟ عيبها ايه؟
- مفيش .. مش مرتاحلها و خلاص ... بصى ... موضوع صحابك ده كان قبل الجواز .. انا عايزك تقطعى علاقتك بالناس دى ...
- ليه بقى؟ كلهم بنات ناس و محترمين .. لو شفت منهم حاجة غلط قوللى ...
- ما توجعيش دماغى بقى ... اسمعى الكلام وخلاص ... وللا مش عارفة ان طاعة الزوج من طاعة ربنا؟
- اشمعنى انت بتخرج مع صحابك كل يوم و تسيبنى لوحدى ؟؟؟؟؟
- انا راااااااااجل ... عايزة تحبسينى جنبك فى البيت اقشرلك بطاطس وللا ايه؟
- .............................................................!!!!
زووم اوت
البناية من الخارج
زوووم ان على شقة اخرى ....
مراهق فى الثالثة عشر يجذب شقيقته ذات العشرين ربيعاً من ذراعها صائحاً :
- قلت مش حتنزلى يعنى مش حتنزلى ...
- وانت مالك انت ؟ انا استأذنت من ماما امبارح و اتفقت مع صاحباتى خلاص....
- وانا بقى باقولك مفيش خروج.......
الفتاة تصيح فى يأس :
- يا ماااااااماااااااااااا .... قولى للواد ده يخليه فى الأعدادية بتاعته و مالوش دعوة بيا ..
تأتى الأم مهرولة من الداخل على اصوات صياحهما و تقول مستنكرة :
- عيب كده ... اسمعى كلام اخوكى ... هو الراجل !
اطفاء
.
.
ظلام تام .............
_______________________________________
تنوير .......
" واستوصوا بالنساء خيراً، فإنهن عندكم عوان لا يملكن لأنفسهن شيئاً، وإنكم إنما أخذتموهن بأمانة الله واستحللتم فروجهن بكلمة الله فاتقوا الله في النساء واستوصوا بهن خيراً – ألا هل بلغت....اللهم فاشهد... "
من خطبة الوداع لأشرف الخلق عليه الصلاة والسلام ...
هناك 15 تعليقًا:
رحاب تجسيد أكتر من رائع لكل المواقف
تسلم الأيادي
:)))
ربنا يخليكى ليا يا جميل
من بعض ما عندكم
:)))
جميل جدا عرض للاشكال المتنوعة للقهر اليومى الممارس على ليلات وللاسف في ناس كتيير قصدى رجال مش حاسيين بان دة مشكلة وقهر حقيقي الحالة الاولى قلبت المواجع بس انا جوزي بيقعد قدام الكمبيوتر ده الاختلاف بيكون نفسي يتكلم وافضفض واحكي له انا عايزة اتكلم للصبح بس تعبانة ومش عايزة اقلب المواجع
غير معرف :
انا سعيدة ان الموضوع عجبك .. واسفة ان كان بيقلب المواجع
:)))
شكراً لمرورك و تعليقك
:))
هكتفى بالابتسامة:)
ولا عارفة اضحك ولا عارفة ابكى
كل الكلام واقعى فعلا ومؤثر
وتصوير الشخصيات والمشاهد رغم انه قصير جدا لكن معبر جداوفيه كل الكلام اللى ممكن يتقال.
السلام عليكم ورحمة الله وبركاته
الموضوع بتاعك يا رحاب فيه كتير من الذكور بس للأسف مافيهوش ولا راجل
في بيت شعر مشهور قوي وأنا بحبه جدا
فد اسمعت إن ناديت حياً ولكن .. لاحياه لمن تنادي
ومع إعتذاري الكامل للرجالة التيواني لكن للأسف هما فعلاً مابقاش عندهم دم ..
اللي منهم بس عارف وصية سيدنا النبي عليه الصلاه والسلام هو بس اللي عدل وعنده كرامة
الست لو لقت راجل يقدرها ويقدر دمغها ويعرف إنه مش هو بس زويل عصره وعملها قيمه .. والله هتحضره الشاي بنفس راضيه وسعاده
الليلات مش عايزين إلا القليل من التقدير وبس كلمة حلوة
راندا
شكرأ ليكى على التعليق الجميل
والابتسامة
:)))
انا سعيدة ان البوست عجبك
ونورتينى
:))))
لومى حبيبتى
عليكم السلام و رحمة الله و بركاته يا قمر
:)))
تعليقك كله فى الجون طبعاً
بس مين اللى يفهم ان بس شوية تفاهم و شوية رحمة و شوية احترام يخلوا الست مش بس تحطه جوة عينيها ... تحطه فوق راسها كمان
نورتينى يا قمر
:))
من أجمل ما قرأت .. فعلا أحسنتي
اسولبك و طريقة السبوت على مواقف مختلفه تخدم نفس المعنى
أحييكي حقا
أمتعتيني بقراءة هذا البوست
فريدة
شكراً جزيلاً ليكى
انا سعيدة جداً ان البوست عجبك
وحقيقى اسعدتينى بتعليقك
واتمنى تزورينى دايماً
:)))
بصى يا ستى..
اولاً: اسلوبك بلا جدال فى السرد رائع رائع...
ثانياً: ولأنك ليلى كباقى الليات.. فالموضوع كله من نظره واحده فقط..
ذكرتى الجانب المظلم، ولم تذكرى الجانب المضىء..
انا معك ان النماذج دى موجوده فى حياتنا، لكن برده فى الزوج والأخ والابن اللى بيعامل ربنا سبحانه وتعالى فى زوجته واخته وامه...
للأسف افتقدتى الحياديه جملة وتفصيلاً!!
ذكرتى المساوىء ولم تذكرى الحسنات.
واحد من الناس :
اولا : شكراً على مرورك و تعليقك .. وشكراً على اعجابك بأسلوبى
ثانياً : لازم الموضوع يكون من وجهة نظر ليلى طبعاً
وفعلا انا كان هدفى اظهر السلبيات واركز عليها لأنها بقت كتير اوى
وانا واثقة انك شفت من النماذج المشرفة دى كتير
انا ما قلتش ابداً ان كل الرجال كده
و شخصياً عندى أب و أخ عمرهم ما فكروا و لا اتصرفوا بالطريقة دى ....
بس ياريت تتفق معايا ان ده نص قصصى مش مقال .. ما ينفعش أذكر الحسنات زى ما بتقول علشان ابقى محايدة .. والا نبقى دخلنا فى خطأ الخطاب المباشر اللى اكيد انت عارف انه بيضعف العمل الأدبى ...
و رغم ده فأنا - و من باب الحيادية -حتلاقينى فى أخر نموذج باوضح ان فيه ليلات برضه بيساعدوا على الغلط .. يعنى الولد فى الحالة دى عنده مبرر يتصرف بالطريقة دى لأنه اساساً اتربى ووالدته بتشجعه يفكر و يتصرف غلط ..
و فى النهاية باكرر شكرى على اهتمامك بالتعليق والنقد
:)
بصي يا رحاب أنا حمسك في حاجة إنتي قولتيها ل"واحد من الناس" و أبتدي بيها
إنتي قولتي: "انا ما قلتش ابداً ان كل الرجال كده و شخصياً عندى أب و أخ عمرهم ما فكروا و لا اتصرفوا بالطريقة دى ...."
عارفة إيه اللي مزعلني، إن كل اللى كتبوا أجمعوا إنهم عندهم أب و أخ و زوج متفهم !
أنا لا أنكر وجود هذا النموذج من العلاقة السلبية بس النموذج ده بيتراجع بشدة ... مش حتلاقي بقاياه إلا في القرى و في أوساط غير المتعلمين. إذا الوضع ده مرتبط بالجهل و قلة الوعي
من وجه نظري المتواضعة الإرتقاء ب"ليلى" و نظرة المجتمع لها لن يكون إلا بإصلاح التعليم ... إنتي مش في الوضع ده لإنك مثقفة و متعلمة و كذلك أهلك - التلفزيون بقصد أو بدون قصد ساعد على نشر الوعي ده في كل حته ... وخلاص مبقاش فيه بيت في مصر مفيهوش تلفزيون (إلا بخاطره)
أنا مش ضد بالكامل لكني ضد ترسيخ فكرة إن المرأة مهضوم حقها و التمسك بصورة بقت خلاص "أبيض و إسود"
- خالص تحياتي :))
P.S:راجعى الرد ده بنفس الإسلوب بس من سنتين في يوم ليلى الأول
http://geddoiskandar.blogspot.com/2006/09/blog-post_115802568849965856.html
جدو اسكندر
اهلا بيك ومنورنى
:))
انا بأأكد تانى على ايمانى الكامل ان لسه فيه رجالة محترمين .. و عندى ابويا و اخويا باستشهد بيهم كأمثلة حية على ده
لكن - و بالرغم من ده - باختلف تماماً معاك ان النماذج السلبية بتتراجع او انحصرت فى اوساط غير المتعلمين والأوساط الدنيا
انا - و غيرى من المدونات المشتركات - رغم اتفاق الأغلبية على وجود رجال متفهمين وواعيين فى حياتهم ..
الا اننا برضه بنتعرض للتعامل مع النماذج السلبية
فى الشارع و الجامعة و العمل و حتى مع بعض الأقارب ...
انا عندى صديقات اتعرضوا للمواقف اللى انا اتكلمت عنها - و كلها حقيقية بالمناسبة مش من نسج خيالى - و بناء عليه انا - ومش حتكلم عن غيرى من المدونات - حبيت اسلط الضوء على النماذج السلبية دى
كنوع من الضوء الأحمر ..
واعتقد ان دى الفكرة من المبادرة .. تصحيح المفاهيم والأوضاع السلبية اللى انتشرت بين الناس .. رجالا و سيدات
متفقة معاك طبعاً ان اصلاح التعليم هو خطوة جوهرية لحل المشكلة
وكمان التربية .. اللى مش حتتحقق الا بزيادة وعى و ثقافة السيدات علشان يقدروا يربوا جيل واعى و عنده مفاهيم صحيحة عن الحقوق والواجبات ...
وانا شايفة ان الأعلام للأسف بيروج للفكر السلبى كتير جداً
اكيد حضرتك عارف اللأعلام ازاى بيمثل الست المثقفة بصورة انسانة معقدة مسترجلة .. و ده بيسبب حالة من الرفض فى المجتمع - برضه رجالا و سيدات - لكل سيدة بتطلب حقوقها المشروعة او بترفض تعرضها للظلم ...
النماذج المشرفة موجودة حوالينا فى كل مكان .. لكن عملاً بمبدأ الصحافة .. فواجبنا تسليط الضوء على النماذج السلبية و محاربتها ..
زى ما بالظبط ما دايماً نقرا عن اختلاسات و رشاوى الموظفين و مش بنقرا ابداً عن امانة او تفانى موظف فى تأدية واجبه
:)))))
ورغم انا قريت زميلات بيشيدوا بالنماذج المشرفة للرجل الواعى المثقف أذكر منهم دلوقتى تدوينة لبنت مصرية:
http://www.bentmasreya.net/node/138
فى النهاية
حضرتك شرفتنى بجد
واتمنى تكرر الزيارة
:))))
ثقافة الهزيمة .. أنها حقا عائلة محترمة
فى 6 فبراير 2011 نشرت شبكة الأخبار الأمريكية كشفت صحيفة الجارديان البريطانية نقلا عن محللين مختصين بشؤون الشرق الأوسط قولهم أن ثروة الرئيس المصري حسني مبارك بلغت نحو 70 مليار دولار، جزء كبير منها موجود في بنوك سويسرية وبريطانية، أو على شكل عقارات في لندن ونيويورك ولوس أنجلوس، أضافة إلى ممتلكات خاصة على طول شاطئ البحر الأحمر، وقال تقرير أن المصدر الرئيسي لهذه الثروة هو أطلاع الرئيس على صفقات أستثمارية حققت مئات الملايين من الدولارات لمصر، ولهذا تم نقلها إلى حسابات سرية في بنوك أجنبية، أو أستثمارها في البورصات العالمية والعقارات، وأكد التقرير أن علاء وجمال مبارك هم إيضا من أصحاب المليارات، ونقلت الصحيفة عن أماني جمال، أستاذة العلوم السياسية في جامعة برينستون، قولها أن ثروة العائلة تتراوح ما بين 40 و 70 مليار دولار، وهي أرقام تقارب ثروات بعض من زعماء دول الخليج، الغنية بالنفط...
باقى المقال ضمن مقالات ثقافة الهزيمة بالرابط التالى
www.ouregypt.us
إرسال تعليق